Жаңылык Кыргыз Республикасынын Жергиликтүү өз алдынча башкаруулар Союзунун юристтери тарабынан даярдалды

2023-2027-жылдарга “Көөнө тарых сырлары” тарыхый-маданий мурас объекттерин сактоо, изилдөө жана археологиялык казууларды жүргүзүү боюнча мамлекеттик программа жана аларды ишке ашыруу боюнча иш-чаралар планы бекитилди

2023-жылдын 22-декабрында Кыргыз Республикасынын Министрлер Кабинетинин төрагасы А. У. Жапаров №701 “2023-2027-жылдарга “Көөнө тарых сырлары” тарыхый-маданий мурас объекттерин сактоо, изилдөө жана археологиялык казууларды жүргүзүү боюнча мамлекеттик программаны бекитүү жөнүндө” токтомго кол койду. Аталган Планда ЖӨБ органдары катыша турган 5 тапшырма (16 пунктчада) каралган, анын ичинде төмөнкүлөр бар:

• тарыхый-маданий мурас объекттерин табуу, инвентаризациялоо жана паспорттоштуруу;
• тарыхый-маданий мурас объекттеринде археологиялык казууларды жүргүзүү, консервациялоо жана музейлештирүү;
• тарыхый-маданий мурас объектилерин жана аларды сактоо зоналарын коргоону жана натыйжалуу пайдаланууну камсыздоо;
• кадрларды таптоо ишин өркүндөтүү жана тарыхый-маданий мурас объекттерин кеңири жайылтуу;
• мыйзамсыз казууларды жүргүзүүнү, маданий баалуулуктарды ташып келүүнү жана сыртка чыгарууну болтурбоо боюнча алдын алуу иштерин күчөтүү.

Бирок белгилей кетүүчү нерсе, жогоруда атал-ган иш-чараларга катышуу аларды уюштуруу жана каржылоо үчүн жоопкерчилик кошо берилгенин билдирбейт, себеби планда ЖӨБ органдары тең аткаруучулар катары көрсөтүлгөн, ал эми иш-чаралардын көбүн каржылоонун булагы катары республикалык бюджет көрсөтүлгөн.

Ошондой эле токтомго ылайык (3-пункт) жергиликтүү өз алдынча башкаруу органдары квартал сайын Маданият, маалымат, спорт жана жаштар саясаты министрлигине отчеттук мезгилден кийинки айдын 5инен кечиктирбестен иш-чаралар планынын аткарылышынын жүрүшү жөнүндө маалымат берип турары каралган.

Токтомдун толук тексти “Эркин Тоо” гезитинин 2023-жылдын 29-декабрында чыккан №104 санында жарыяланды. 

Толук маалымат алуу үчүн бул QR-код аркылуу өтүңүз: