Адам укуктары, конституциялык мыйзамдар жана мамлекеттик түзүлүш боюнча комитетинин төрайымы Н. НИКИТЕНКО Мыйзамдуулук, укук тартиби жана кылмыштуулук менен күрөшүү боюнча комитетинин төрагасы К. БОКОЕВ

• Жергиликтүү өз алдынча башкаруу органдарынын иштерин текшерүүнү оптималдаштыруу боюнча Коомдук технологиялар борбору менен өнөктөштүктөгү «Өнүктүрүү саясат институту» мекемеси тарабынан жүргүзүлгөн иликтөөнүн материалдары эске алынсын (тиркелди).
• Бул маселе Кыргыз Республикасынын Жогорку Кеңешинин кароосуна киргизилсин.
• Бул маселени талаптагыдай мыйзамдык жөнгө салуу жана жергиликтүү өз алдынча башкаруу органдарынын иштерин текшерүүнү оптималдаштырууга багытталган зарыл ченемдик укуктук актыларды иштеп чыгуу максатында аталган иликтөөнүн материалдарын жергиликтүү өз алдынча башкаруу чөйрөсүндөгү мыйзамдарды өркүндөтүүгө багытталган ченемдик укуктук актылардын долбоорлорун иштеп чыгуу боюнча Адам укуктары, конституциялык мыйзамдар жана мамлекеттик түзүлүш боюнча комитетинин 2014-жылдын 25-ноябрындагы (2014-жылдын 03.12деги кир.№ 6-29698/14) чечими менен түзүлгөн жумушчу топтун кароосуна берилсин.

Бул маселени талаптагыдай мыйзамдык жөнгө салууга чейин сунушталсын:

• Кыргыз Республикасынын Өкмөтү жергиликтүү өз алдынча башкаруу органдарынын иштерин пландуу жана плансыз текшерүүнү жүзөгө ашыруучу өзүнө баш ийген Кыргыз Республикасынын министрликтеринин, мамлекеттик комитеттеринин, административдик ведомстволорунун иштерин оптималдаштырсын жана анын жыйынтыгы боюнча жергиликтүү өз алдынча башкаруу органдарынын иштерин текшерүүнүн жолжоболорун тартиптештирүүгө багытталган тиешелүү актыны кабыл алсын.
• Кыргыз Республикасынын Башкы прокуратурасы жана Эсептөө палатасы жергиликтүү өз алдынча башкаруу органдарынын иштерин прокуратура органдары жана Эсептөө палатасынын аймактык бөлүмчөлөрү тарабынан текшерүү жүргүзүүнүн жол-жоболорун тартиптештирүүгө багытталган тиешелүү актыны кабыл алсын.
• Ушул Чечимдин кабыл алынышына байланыштуу Адам укуктары, конституциялык мыйзамдар жана мамлекеттик түзүлүш боюнча комитетинин 2014-жылдын 25-ноябрындагы чечими менен түзүлгөн жумушчу топтун ишинин мөөнөтү 2015-жылдын 25-апрелине чейин узартылсын.
• Ушул Чечимдин көчүрмөсү төмөндөгүлөргө жөнөтүлсүн: Кыргыз Республикасынын Жогорку Кеңешинин Төрагасына; Кыргыз Республикасынын Өкмөтүнө; Кыргыз Республикасынын Башкы прокуратурасына; Кыргыз Республикасынын Эсептөө палатасына; жергиликтүү өз алдынча башкаруу чөйрөсүндөгү мыйзамдарды өркүндөтүүгө багытталган ченемдик укуктук актылардын долбоорлорун иштеп чыгуу боюнча жумушчу топтун мүчөлөрүнө.