Артур САРКИСОВ, ӨСИнин байланыш боюнча координатору

2025-жылдын август айынын соңунда Ош шаарында OGP Local (Ачык жергиликтүү башкаруу) глобалдык демилгесинин алкагында Биргелешкен иш-аракеттер планынын долбооруна киргизүү үчүн сунушталган шаардык демилгелерди талкуулоого арналган “Ачык Ош” жумушчу тобунун экинчи жыйыны өттү. 

Бул демилге дүйнө жүзү боюнча шаарларга өз тургундары үчүн ачык жана айкын болууга жардам берет.

Ош шаары бул демилгеге 2024-жылы кошулуп, ушул тапта өзүнүн биринчи планын даярдоо баскычында турат.

Жыйындын жүрүшүндө демилгелердин авторлору, жарандык коомдун уюмдарынын өкүлдөрү төрт сунушту беришти:

• Ош шаарындагы оюн-зоок мекемелеринде кыз-келиндердин коопсуздугун камсыз кылуу;
• шаардык кеңештин депутаттарынын шайлоочулардын алдындагы жоопкерчилигин жогорулатуу;
• муниципалдык кызматтардын ишиндеги ачык-айкындуулукту жогорулатуу;
• Ош шаарынын мэриясынын ЧУА долбоорлорун коомдук талкуулоонун бирдиктүү порталды колдонуусу.

Катышуучулар, мэриянын жана жергиликтүү уюмдардын өкүлдөрү айтылган сунуштарды талкуулап, сын-пикирлерди жана сунуштарды беришти. Учурда Биргелешкен иш-аракеттер планынын үстүнөн иштер уланууда. “Ачык Ош” демилгеси диалогду кеңейтүүгө жана натыйжалуу мамлекеттик жана жергиликтүү башкарууну сүрөөгө багытталган.

Жыйын Швейцария Өкмөтүнүн финансылык колдоосу менен Кыргыз Республикасында жергиликтүү өз алдынча башкарууну өнүктүрүү үчүн өнөктөштүк аркылуу өттү.