Райондун СЭӨПсын иштеп чыгуунун алкагында жергиликтүү мамлекеттик администрация жана Координациялык кеңеш райондо өндүрүлгөн товарларды жана кызмат көрсөтүүлөрдү райондун өзгөчөлүктөрү менен идентификациялай турган, уникалдуулугун, кайталангыс өзгөчөлүктөрүн жана артыкчылыктарын баса белгилеген өз бренди менен чыккан товарларды жана кызмат көрсөтүүлөрдү таанытуу жөнүндө ойлоно баштаган. Мына ошентип Базар-Коргон районунун логотибин иштеп чыгуу демилгеси көтөрүлдү.

“Логотип – бул райондун визуалдык көрүнүшү. Ал символ катары гана эмес, өнүгүүнүн стратегиялык аспаптарынын ажырагыс бөлүгү да болуп саналат. Фирмалык белги жарнамалык материалдарда, социалдык тармактарда жана веб-сайттарда колдонулат”, – деп билдиришти мамадминистрациядан. 

Логотиптин негизги милдеттери: 

• райондун маданиятын жана табиятын чагылдыруу – логотипте Базар-Коргондун табигый атакатуу жерлери, тарыхый мурасы, этнографиялык өзгөчөлүктөрү жана салттуу баалуулуктары көрсөтүлүшү керек;
• позитивдүү имиджди түзүү – заманбап жана эсте каларлык дизайн Базар-Коргонду туристтер жана тургундар үчүн келечектүү жана жагымдуу жер катары таанытууга жардам берет;
• инвесторлорду жана туристтерди тартуу – логотип районду өнүгүү үчүн ачык болгон, инвестиция үчүн жагымдуу жана саякатка ыңгайлуу мейкиндик катары көрсөтөт;
• маркетинг жана туризм демилгелерин колдоо – эсте каларлык символ районду таанытып, туризмди өнүктүрүүгө көмөктөшөт.