Нургүл ЖАМАНКУЛОВА, Өнүктүрүү саясат институтунун жана БАЖБАнын коммуникациялар боюнча консультанты

Бишкекте Борбордук Азиянын жергиликтүү башкаруу Академиясы менен КРнын Жогорку Кеңешине караштуу Парламентти жана демократияны өнүктүрүү борборунун ортосунда кызматташуу жөнүндө Меморандумга кол коюлду.

Жолугушуунун жүрүшүндө тараптар жергиликтүү кеңештердин депутаттарынын потенциалын жогорулатуу, Кыргыз Республикасынын Жогорку Кеңеши менен жергиликтүү кеңештердин ортосундагы өз ара байланышты күчөтүү жаатында кызматташуу мүмкүнчүлүктөрүн талкуулашты. Тактап айтканда, бул Меморандумдун алкагында тараптар төмөнкү милдеттерди аткаруу үчүн биргелешкен күч-аракеттерди жумшоону макулдашышты:

• билим берүү курстарын, конференцияларды, тегерек столдорду, тренингдерди жана семинарларды өткөрүүнү кошо уюштуруу жана катышуу;
• биргелешкен тренингдерди жана квалифика-цияны жогорулатуу курстарын өткөрүү;
• өз ара кызыкчылык туудурган темалар боюнча биргелешкен изилдөөлөрдү жана долбоорлорду өткөрүү;
• Кыргыз Республикасынын мыйзам долбоорлорун коомдук талкуулоо боюнча биргелешкен иш-чараларды өткөрүү;
• илимий, коомдук уюмдар жана эксперттик коомчулук менен кызматташуу;
• Кыргыз Республикасынын жергиликтүү кеңеш-теринин депутаттарынын квалификациясын жогорулатууга жана сапаттуу окутууга багытталган башка иш-чараларды уюштуруу.

Меморандум төрт жылга түзүлүп, бул убакыт аралыгында тараптар ошондой эле кызматташуу чөйрөсүнө тиешеси бар жана өз ара кызыкчылык туудурган маалыматтар менен алмашып турушат; алгылыктуу санариптик долбоорлорду биргелешип иштеп чыгышат жана Кыргыз Республикасында санариптик трансформацияны жана маалыматтык технологиялар долбоорлорун өнүктүрүү маселелерин чечүү үчүн шарттарды түзүшөт.