2024-жылдын 12-июнунда 2024-2028-жылдарга Кыргыз Республикасынын Аймактарын өнүктүрүүнүн мамлекеттик программасынын долбоорун иштеп чыгуу боюнча жумушчу топтун кеңешмеси өттү. Иш-чараны КР Экономика жана коммерция министрлигинин Аймактарды өнүктүрүү саясаты башкармалыгы уюштурду. Ага Швейцариянын Өкмөтү каржылаган “Жергиликтүү деңгээлде кызмат көрсөтүүлөрдү жакшыртуу” долбоору жана “ЖӨБдү өнүктүрүү үчүн” Өнөктөштүгү катышты.

Мамлекеттик программа Кыргыз Республикасынын Президентинин 2022-жылдын 18-октябрындагы №350 “Кыргыз Республикасынын административдик-аймактык түзүлүшүн өркүндөтүү жана аймактарды өнүктүрүү боюнча андан аркы чаралар жөнүндө” Жарлыгын, ошондой эле Кыргыз Республикасынын Министрлер Кабинетинин Иш-аракеттер планын аткаруу максатында иштелип чыгууда.

Кыргыз Республикасынын Экономика жана коммерция министрлигинин 2024-жылдын 17-январындагы №4 буйругу менен “2024-2028-жылдарга Кыргыз Республикасынын аймактарын өнүктүрүүнүн мамлекеттик программасынын” долбоорун иштеп чыгуу боюнча Ведомстволор аралык жумушчу топ түзүлгөн.

Кеңешменин катышуучулары 2024-2028-жылдарга Кыргыз Республикасынын аймактарын өнүктүрүүнүн мамлекеттик программасынын толукталып иштелип чыккан долбоорун талкуулап, 2024-2028-жылдарга Кыргыз Республикасынын аймактарын өнүктүрүүнүн мамлекеттик программасын ишке ашыруу боюнча иш-чаралар планынын долбооруна киргизүү үчүн сунуштарды даярдашты.

Мамлекеттик программа аймактарды өнүктүрүүнү башкаруу системасынын алкагын түзүп, анын ичинде мейкиндик жана социалдык-экономикалык пландоону айкалыштырышы керек; урбанизацияланган аймактар жана өзгөчө көңүлдү талап кылган аймактар үчүн өнүктүрүүнүн башкы багыттарын белгилөөгө тийиш, алар үчүн мамлекеттик башкаруунун ар кандай деңгээлдерине, жергиликтүү өз алдынча башкаруу органдарына, жеке секторго жана жарандык коомго даректелген комплекстүү чаралар иштелип чыгат.

Иш-чараны КР Экономика жана коммерция министрлигинин Аймактарды өнүктүрүү саясаты башкармалыгы Швейцариянын Өкмөтү каржылаган “Жергиликтүү деңгээлде кызмат көрсөтүүлөрдү жакшыртуу” долбоорунун жана “Жергиликтүү өз алдынча башкарууну өнүктүрүү үчүн” Өнөктөштүгүнүн катышуусу менен уюштурду.