Нургүл ЖАМАНКУЛОВА, БАЖБАнын жана ӨСИнин коммуникациялар боюнча консультанты

2024-жылдын март айынын этегинде Борбордук Азиянын жергиликтүү башкаруу Академиясы (БАЖБА) жергиликтүү деңгээлде кызмат көрсөтүүлөрдү уюштуруу маселелери боюнча өзүнүн окутуучулары, консультанттары жана өнөктөштөрү үчүн тренерлерден тренинг (ТоТ) өткөрдү.

Катышуучулар тренердик чеберчилик темасын угуп, тренер катары квалификациясын жогорулата алышты, анын жүрүшүндө алар аудитория менен байланыш түзүүнүн өзгөчөлүктөрү жана тренердик иште коммуникациянын түрлөрү боюнча билимин толукташты; чоң адамдарды окутуу жана интерактивдүү дискуссияларды жүргүзүү ыкмалары боюнча билимин тереңдетип, кайтарым байланышты колдонуу көндүмдөрүн практикада колдонушту.

Бирок тренингдин негизги мазмуну жергиликтүү өз алдынча башкаруу органдары (ЖӨБ) тарабынан жергиликтүү деңгээлде кызмат көрсөтүүлөрдү уюштуруу темасына арналды. “Жергиликтүү деңгээлде кызмат көрсөтүүлөрдү жакшыртуу” долбоорунун тренерлери коучер катары катышты. Катышуучулар кесиптештери менен бирге жергиликтүү деңгээлде кызмат көрсөтүү системасын карап чыгышты, кызмат көрсөтүүлөрдү классификациялоо, муниципалдык кызматтарды көрсөтүүнүн укуктук негиздери, жергиликтүү деңгээлде кызмат көрсөтүүлөрдү уюштурууну башкаруу ыкмалары,  турмуш-тиричиликти камсыздоо боюнча кызмат көрсөтүүлөрдү уюштуруу жаатындагы билимин тереңдетишти.

Катышуучулардын айтымында, бул өңдүү тренингдер аларга өлкөнүн мыйзамдарындагы акыркы жаңылыктардан кабардар болууга жана процесстин катышуучуларына – жергиликтүү өз алдынча башкаруу органдарына да, кызмат көрсөтүүчүлөргө жана алардын абоненттерине да маалыматты өз убагында жеткирүүгө жардам берет.